104. əl-Huməzə surəsiMəkkə surəsi/9 ayə

1

Hər bir qeybət edən və tənə vuranın vay halına!

2

O, mal-mülk yığar və onu dönə-dönə sayar.

3

O, mal-mülkünün onu əbədi saxlayacağını zənn edər.

4

Xeyr! O mütləq Hütəməyə atılacaqdır.

5

Sən haradan biləsən ki, Hütəmə nədir?!

6

O, Allahın alovlandırılmış odudur.

7

O od (yandıra-yandıra) ürəklərə çatar.

8

Həqiqətən, o od onların üzərini örtəcəkdir.

9

Onlar uzun sütunlara bağlanacaqlar.