90. əl-Bələd surəsiMəkkə surəsi/20 ayə

1

And içirəm bu şəhərə (Məkkəyə)!

2

Sən də bu şəhərdə yaşayırsan.

3

And olsun ataya və ondan dünyaya gələnə!

4

Biz insanı çətinliklər içində yaratdıq.

5

O, heç kəsin ona gücü çatmayacağınımı zənn edir?

6

O: “Mən çoxlu mal-mülk sərf etmişəm!” - deyir. (Yuxarıdakı ayədə müşriklərin Həzrət Peyğəmbərə düşmənçilik yolunda mal-mülklərini sərf etmələrinə işarə olunur.)

7

O, heç kimin onu görmədiyinimi zənn edir?!

8

Biz ona iki göz vermədikmi?!

9

Habelə, bir dil və iki dodaq (vermədikmi)?!

10

Biz ona iki yol (yaxşı və pis yol) göstərdik.

11

Ancaq o, əqəbəni (maneələri) keçə bilmədi.

12

Sən haradan biləsən ki, əqəbə nədir?!

13

O, kölə azad etməkdir,

14

Yaxud aclıq günündə yemək yedirməkdir,

15

Qohumluğu çatan bir yetimə,

16

Yaxud heç bir şeyi olmayan yoxsula.

17

Sonra da iman gətirən, bir-birinə səbir etməyi tövsiyə edən və mərhəmətli olmağı tövsiyə edənlərdən olmaqdır.

18

Onlar sağ tərəfdəkilərdir.

19

Ayələrimizi inkar edənlər isə sol tərəfdəkilərdir.

20

Od onları hər tərəfdən bürüyəcəkdir.